ରାଉରକେଲାରେ ଗୁଳିମାଡ଼: ଯୁବକ ଗୁରୁତର, ଆରଜିଏଚରେ ଭର୍ତ୍ତି

ରାଉରକେଲା : ଟ୍ରାଫିକ ମାର୍କେଟରେ ଗୁଳିକାଣ୍ଡ | ଗୁଳିମାଡ଼ରେ ଜଣେ ଯୁବକ ଗୁରୁତର, ଆରଜିଏଚରେ ଭର୍ତ୍ତି। ସୂଚନା ଅନୁଯାୟୀ, ଆଜି ସକାଳ ସାଢେ ୯ଟା ସମୟରେ ତିନିରୁ ଅଧିକ ଦୁର୍ବୃତ୍ତ ଟ୍ରାଫିକ ମାର୍କେଟରେ ଆଭେଦ ରାୟ ନାମକ ଯୁବକଙ୍କୁ ଦୁଇ ରାଉଣ୍ଡ ଗୁଳିମାଡ଼ କରି ଫେରାର ହୋଇ ଯାଇଥିଲେ | ଆଭେଦଙ୍କ ପିଠିରେ ଗୁଳି ବାଜିଛି |
୧୫ ବର୍ଷ ତଳେ ଆଭେଦ ଟ୍ରାଫିକ ମାର୍କେଟ ଡବଲ ମର୍ଡର ମାମଲାରେ ଜେଲ ଯାଇଥିଲେ | କିଛି ମାସ ତଳେ ଜାମିନରେ ସେ ଜେଲରୁ ବାହାରିଥିଲେ | ସାଗର ରାୟ ଓ ତାର ସହଯୋଗୀ ଗୁଳିମାଡ଼ କରିଥିବା ପ୍ରାଥମିକ ତଦନ୍ତରୁ ଜଣାପଡିଛି |

ପ୍ରଥମେ ଆଭେଦଙ୍କ ସହ ଦୁର୍ବୃତ୍ତଙ୍କ ସହ ବଚସା ହୋଇଥିଲା | ତିନି ଦୁର୍ବୃତ୍ତଙ୍କ ମଧ୍ୟରୁ ଜଣେ ପକେଟରୁ ପିସ୍ତଲ ବାହାର କରି ଆଭେଦକୁ ଦୁଇ ରାଉଣ୍ଡ ଗୁଳି ଚଳାଇଥିଲେ| ତାଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଲୋକ ଉଦ୍ଧାର କରି ରାଉରକେଲା ସରକାରୀ ଡାକ୍ତରଖାନାକୁ ପଠାଇଛନ୍ତି | ତେବେ ଆଭେଦଙ୍କ ସ୍ୱାସ୍ଥ୍ୟ ଅବସ୍ଥା ସଂକଟାପନ୍ନ ହେବାରୁ ତାଙ୍କୁ ରାଉରକେଲା ସରକାରୀ ଡାକ୍ତରଖାନାରୁ ଇସ୍ପାତ ଜେନେରାଲ ହସ୍ପିଟାଲ (ଆଇଜିଏଚ)କୁ ସ୍ଥାନାନ୍ତର କରାଯାଇଛି। ପ୍ଲାଣ୍ଟସାଇଟ ପୁଲିସ, ଡ଼ିଏସପି, ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି | ଘଟଣାସ୍ଥଳରୁ ପୁଲିସ ଦୁଇଟି ଖୋକା ଜବତ କରିଛି| ଗୁଳିକାଣ୍ଡର କାରଣ ଅସ୍ପଷ୍ଟ ରହିଛି | ଗତ ୧୫ ବର୍ଷ ତଳେ ଆଭେଦ ଟ୍ରାଫିକ ମାର୍କେଟ ଡବଲ ମର୍ଡର ମାମଲାରେ ଜେଲ ଯାଇଥିଲେ | କିଛି ମାସ ତଳେ ଜାମିନରେ ସେ ଜେଲରୁ ବାହାରିଥିଲେ | ସାଗର ରାୟ ଓ ତାର ସହଯୋଗୀ ଗୁଳିମାଡ଼ କରିଥିବା ପ୍ରାଥମିକ ତଦନ୍ତରୁ ଜଣାପଡିଛି |