କେନ୍ଦ୍ର ବଜେଟରେ ଓଡ଼ିଶାର ପର୍ଯ୍ୟଟନ କ୍ଷେତ୍ରକୁ ଗୁରୁତ୍ୱ

କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ଲୋକସଭାରେ ବଜେଟ୍ ଉପସ୍ଥାପନ କରିଛନ୍ତି। ଏଥିରେ ଓଡ଼ିଶାର ପର୍ଯ୍ୟଟନ କ୍ଷେତ୍ରକୁ ବିଶେଷ ଗୁରୁତ୍ୱ ଦିଆଯାଇଛି। ଓଡ଼ିଶାର ପ୍ରାଚୀନ ମନ୍ଦିର, ଶିଳ୍ପକଳା, ବେଳାଭୂମି ଏବଂ ଅଭୟାରଣ୍ୟଗୁଡ଼ିକର କିପରି ବ୍ୟାପକ ବିକାଶ କରାଯାଇ ପାରିବ ସେନେଇ କେନ୍ଦ୍ର ସରକାର ଆର୍ଥିକ ସହାୟତା ଯୋଗାଇଦେବେ ବୋଲି ଅର୍ଥମନ୍ତ୍ରୀ ଘୋଷଣା କରିଛନ୍ତି।

ପ୍ରାକୃତିକ ସୌନ୍ଦର୍ଯ୍ୟରେ ସମୃଦ୍ଧ ଆମ ଓଡ଼ିଶା। ଦେଶ ବିଦେଶର ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ଏଠାରେ ଅନେକ ପ୍ରାଚୀନ ମନ୍ଦିର ରହିଛି। ସେହିପରି ବିସ୍ତୀର୍ଣ୍ଣ ସମୁଦ୍ର ବେଳାଭୂମି ପର୍ଯ୍ୟଟକଙ୍କୁ ବିଶେଷ ଆକର୍ଷିତ କରିଥାଏ। ଭିତରକନିକା, ଶିମିଳିପାଳ ଭଳି ଅଭୟାରଣ୍ୟ ମଧ୍ୟ ପର୍ଯ୍ୟଟକଙ୍କର ପସନ୍ଦର ସ୍ଥାନ ପାଲଟିଛି। ତେଣୁ ଏସବୁ କ୍ଷେତ୍ରଗୁଡ଼ିକର ବ୍ୟାପକ ବିକାଶ କରିବାକୁ କେନ୍ଦ୍ର ସରକାର ଗୁରୁତ୍ୱ ଦେଇଛନ୍ତି।

୨୦୨୪ ନିର୍ବାଚନରେ ଓଡ଼ିଶାରେ ବିଜେପି ପୂର୍ଣ୍ଣ ବହୁମତ ପାଇ ପ୍ରଥମ ଥର ପାଇଁ ସରକାର ଗଠନ କରିଛି। ତେଣୁ କେନ୍ଦ୍ର ବଜେଟରେ ଓଡ଼ିଶାର ପର୍ଯ୍ୟଟନ କ୍ଷେତ୍ରକୁ ଫୋକସ୍ କରାଯାଇଥିବା ଚର୍ଚ୍ଚା ହେଉଛି।