ରାଇଫଲ୍ ରେ ମୁଣ୍ଡକୁ ଗୁଳି କରି ଯବାନଙ୍କ ଆତ୍ମହତ୍ୟା

ରାଇଘର: ନବରଙ୍ଗପୁର ଜିଲ୍ଲା ସୀମାନ୍ତରେ ପଡ଼ୋଶୀ ରାଜ୍ୟ ଛତିଶଗଡ଼ ଅନ୍ତର୍ଗତ କାଙ୍କେର ଜିଲ୍ଲାର କୋସରୋଡା କ୍ୟାମ୍ପରେ ଏକ ଅଭାବନୀୟ ଘଟଣା ଘଟିଛି| ୩୩ ବାଟାଲିୟନ୍ ର ଜଣେ ଯବାନ ରାକେଶ କୁମାର (୩୧)ନିଜ ରାଇଫଲ୍ ରେ ମୁଣ୍ଡକୁ ଗୁଳି କରି ଆତ୍ମହତ୍ୟା କରିଥିବା ସୂଚନା ମିଳିଛି | ଗତକାଲି ଅପରାହ୍ନରେ ଏହି ଘଟଣା ଘଟିଥିବା ବେଳେ ଆତ୍ମହତ୍ୟାର କାରଣ ସ୍ପଷ୍ଟ ହୋଇ ପାରି ନାହିଁ| ରାକେଶ କୁମାରଙ୍କ ଘର ଉତ୍ତର ପ୍ରଦେଶର ମିରଟରେ ଏବଂ ସେ ନକ୍ସଲ ନିପାତ ପାଇଁ ନିୟୋଜିତ ରହିଥିଲେ| ପୁଲିସ ଶବ ଜବତ କରି ବ୍ୟବଚ୍ଛେଦ ପରେ ତଦନ୍ତ ଆରମ୍ଭ କରିଛି।