ବେଆଇନ ଗୋଚାଲାଣ,ମୁର୍ମୁଷ ଅବସ୍ଥାରେ ୨ଷଣ୍ଡ ଉଦ୍ଧାର
1 min readବୈଶିଙ୍ଗା: ବେଆଇନ ଗୋଚାଲାଣ ସମ୍ପର୍କରେ ଖବରପାଇ ବୈଶିଙ୍ଗା ଥାନା ଅନ୍ତର୍ଗତ କଦଳିଆ-ମଛପଦା ରାସ୍ତାରେ ଚଢ଼ଉକରି ଏକ ଷଣ୍ଢ ବୋଝେଇ ଟାଟା ଏସି ଭ୍ୟାନ ସମେତ ୪ ମୋଟର ସାଇକେଲକୁ ପୁଲିସ ଜବତ କରିଛି।
ବେଆଇନ ଗୋଚାଲାଣ ସୂଚନା ଆଧାରରେ ବୈଶିଙ୍ଗା ଥାନା ଅଧିକାରୀ ତପନ କୁମାର ପ୍ରଧାନଙ୍କ ନେତୃତ୍ୱରେ ଏଏସଆଇ ଭାବଗ୍ରାହୀ ମହାନ୍ତ ତଥା ଅନ୍ୟାନ୍ୟ ଅଧିକାରୀ ଓ କର୍ମଚାରୀ ପ୍ରମୁଖ ସଦଳବଳେ ସ୍ଥାନୀୟ ଲୋକଙ୍କ ସହାୟତାରେ କଦଳିଆ-ମଛପଦା ରାସ୍ତାରେ ଚଢ଼ଉ କରିଥିଲେ।
ଚଢ଼ଉ ସମୟରେ ୨ଷଣ୍ଢକୁ ଅତି ଦୟନୀୟ ଅବସ୍ଥାରେ ବୋଝେଇ କରାଯାଇଥିବା ଟାଟା ଏସି ଭ୍ୟାନରୁ ଉଦ୍ଧାର କରାଯାଇଥିଲା। ଚାଳକ ସମେତ ମୋଟର ସାଇକେଲ ଛାଡି ଅଭିଯୁକ୍ତମାନେ ବିଲ ଭିତରେ ଚମ୍ପଟ ମାରିଥିଲେ।