ରାତି ୨ଟାରେ ଟ୍ରେନ୍ ଲାଇନରୁ ଅଚାନକ ବିଚ୍ୟୁତ ହୋଇଗଲା ୩ଟି ବଗି

ନୂଆଦିଲ୍ଲୀ: ଗତକାଲି ଗୋଟିଏ ଟ୍ରେନ ଦୁର୍ଘଟଣା ଘଟିଥିବା ବେଳେ ଆଜି ଘଟିଛି ପୁଣି ଏକ ଟ୍ରେନ୍ ଦୁର୍ଘଟଣା । ଗତକାଲି ଉତ୍ତରପ୍ରଦେଶର ଆମରୋହାରେ ଏକ ବଡ଼ ଧରଣର ରେଳ ଦୁର୍ଘଟଣାକୁ ଅଳ୍ପକେ ଏଡ଼ାଇ ଦିଆଯାଇଥିଲା । ଗୋଟିଏ ମାଲଗାଡ଼ି ଅନେକ କୋଚ ଟ୍ରାକକୁ ଖସିଯାଇଥିଲା । ଦିଲ୍ଲୀରୁ ଲକ୍ଷ୍ନୌ ପର୍ଯ୍ୟନ୍ତ ଟ୍ରେନ ଲାଇନର ଉଭୟ ଲାଇନ୍ ବନ୍ଦ ହୋଇଯାଇଥିଲା । ପରେ ଆମରୋହା ରେଳ ଷ୍ଟେସନର ଅଧିକାରୀମାନେ ଘଟଣାସ୍ଥଳରେ ପହଞ୍ଚି ସମସ୍ତ ଟ୍ରେନର ମାର୍ଗକୁ ପରିବର୍ତ୍ତନ କରିଥିଲେ ।

ତେବେ ଏହା ମଧ୍ୟରେ ଆଜି ପୁଣି ଘଟିଛି ଏକ ବଡ଼ ଟ୍ରେନ୍ ଦୁର୍ଘଟଣା । ରାଜସ୍ଥାନର ଅଲୱାର ରେଲୱେ ଜଙ୍କସନ ଠାରୁ ୩ କିମି ଦୂରରେ ରାତି ଅଧରେ ଏକ ମାଲଗାଡ଼ିରୁ ୩ଟି ଡବା ଟ୍ରେନ ଧାରଣାରୁ ବିଚ୍ୟୁତ ହୋଇଯାଇଥିଲା । ସେହିକାରଣରୁ ଅଲୱାର-ମଥୁରା ଟ୍ରେନ ମାର୍ଗରେ ଟ୍ରେନ ଚଳାଚରେ ବାଧା ସୃଷ୍ଟି ହୋଇଥିଲା । କଲା କଲେଜ ନିକଟବର୍ତ୍ତୀ ଅଲୱାର-ମଥୁରା ଟ୍ରେନ ମାର୍ଗରେ ମାଲଗାଡ଼ିର ତିନିଟି ଡବା ରାତି ପାଖାପାଖି ୨.୧୫ରେ ଟ୍ରେନ୍ ଲାଇନରୁ ବିଚ୍ୟୁତ ହୋଇଯାଇଥିଲା । ଖବର ପାଇ ଘଟଣାସ୍ଥଳରେ ରେଲୱେ ଅଧିକାରୀମାନେ ପହଞ୍ଚିବା ସହ ପାଖାପାଖି ୭ ଘଣ୍ଟା ଧରି ରେସକ୍ୟୁ ଅପରେସନ ଚଳାଇଥିଲେ । ଉକ୍ତ ଘଟଣାରେ କାହାର କିଛି କ୍ଷୟକ୍ଷତି ହୋଇଥିବାର ଖବର ମିଳିନାହିଁ ।