ଜାମିନ ଦେବା ବେଳେ ରଖନ୍ତୁ ନାହିଁ କଷ୍ଟକର ସର୍ତ୍ତ

ଜେଲରୁ ଜାମିନ ପ୍ରଦାନ କରିିବା ସମୟରେ କଷ୍ଟକର ସର୍ତ୍ତ ନଲଗାଇବାକୁ ଆହ୍ଲାବାଦ ହାଇକୋର୍ଟ ଜିଲ୍ଲା କୋର୍ଟଙ୍କୁ ପରାମର୍ଶ ଦେଇଛନ୍ତି । କୋର୍ଟ କହିଛନ୍ତି ଯେ, ଅଭିଯୁକ୍ତଙ୍କୁ ଜାମିନରେ ଛାଡିବା ପାଇଁ ନିଷ୍ପତ୍ତି ନେବାବେଳେ ଅଭିଯୁକ୍ତଙ୍କ ସାମାଜିକ-ଅର୍ଥନୈତିକ ସ୍ଥିତିକୁ ବିଚାର କରିବା ଟ୍ରାଏଲ କୋର୍ଟର ଦାୟିତ୍ୱ ।

ହାଇକୋର୍ଟ କହିଛନ୍ତି ଯେ ସର୍ତ୍ତଗୁଡିକ ଏପରି ହେବା ଉଚିତ ନୁହେଁ ଯେ, ଯଦି ତାହା ପାଳନ ନହୁଏ ତେବେ ଜାମିନ ପ୍ରଦାନର ଉଦ୍ଦେଶ୍ୟ ବିଫଳ ହେବ । କୋର୍ଟ କହିଛନ୍ତି ଯେ, ଯେଉଁମାନେ ଗରିବ ସେମାନେ ଏପରି ଜାମିନ ସର୍ତ୍ତ ପାଳନ କରିପାରିବେ ନାହିଁ ଯେଉଁଥିପାଇଁ ସେମାନେ ମୁକ୍ତ ହୋଇପାରିବେ ନାହିଁ ।
ଆଗ୍ରାର ଅରମାନର ଆବେଦନ ଶୁଣିବାବେଳେ ଜଜ୍ ଅଜୟ ଭାନୋଟ୍ କହିଛନ୍ତି ଯେ, ସୁରକ୍ଷା ନିଷ୍ପତ୍ତି ନେବାବେଳେ ଅଭିଯୁକ୍ତଙ୍କ ସାମାଜିକ-ଅର୍ଥନୈତିକ ସ୍ଥିତିକୁ ବିଚାର କରିବା ଟ୍ରାଏଲ କୋର୍ଟର ଦାୟିତ୍ୱ । ୧୩ ସେପ୍ଟେମ୍ବର ୨୦୨୦ ରୁ ଜେଲରେ ଥିବା ଆଗ୍ରାର ଅରମାନଙ୍କୁ ଜାମିନ ପ୍ରଦାନ ବେଳେ କୋର୍ଟ ଏହି ମନ୍ତବ୍ୟ ଦେଇଛନ୍ତି ।