ମହାନଦୀକୁ ଡେଇଁ ସ୍କୁଲ ଛାତ୍ରୀ ନିଖୋଜ

ସମ୍ବଲପୁର : ମହାନଦୀକୁ ଡେଇଁ ହାଇସ୍କୁଲ ଛାତ୍ରୀ ନିଖୋଜ । ସ୍କୁଲ ଯିବା ବାଟରେ ସମ୍ବଲପୁର ଚାଉରପୁର ବ୍ରିଜ ଉପରେ ସାଇକେଲ ରଖି ଡେଇଁପଡ଼ିଛନ୍ତି ଛାତ୍ରୀ ଜଣକ । ନିଖୋଜ ଯୁବତୀ ମଣ୍ତଳିଆର ନବମ ଶ୍ରେଣୀରେ ପଢୁଥିଲେ ତାଙ୍କ ନାଁ କାଜୋଲ ସାହାଣୀ । ଆଜି ଶନିବାର ଥିବାରୁ ସେ ସକାଳୁ ଘରୁ ଜଳଖିଆ କରି ସ୍କୁଲ ପାଇଁ ବାହାରିଥିଲେ । କିଛି ରାସ୍ତା ଗଲାପରେ ସେ ପ୍ରଥମେ ବ୍ରିଜ ବାଡ଼ରେ ସାଇକେଲଟି ରଖିଥିଲେ | ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ସାଇକେଲ ଜବତ କରିଛି। ହୀରାକୁଦ ଡ୍ୟାମ୍‌ର ଗେଟ୍‌ ଖୋଲାଯାଇଥିବା ବେଳେ ଏବେ ପ୍ରଖର ସ୍ରୋତ ରହିଛି। ଉଦ୍ଧାର ପାଇଁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଖୋଜାଖୋଜି ଜାରି ରଖିଛି ।

ଏହି ଘଟଣାରେ ଝିଅର ପରିବାର ଲୋକେ ଭାଙ୍ଗି ପଡିଛନ୍ତି । ଘରେ କୌଣସି ଗଣ୍ଡଗୋଳ କିମ୍ୱା ପାଟିତୁଣ୍ଡ ହୋଇନଥିବା ପରିବାର ଲୋକ କହିଛନ୍ତି। ତେବେ ସେ କାହିଁକି ଏପରି ପଦକ୍ଷେପ ନେଲେ ସେନେଇ କୌଣସି ସ୍ପଷ୍ଟ ସୂଚନା ମିଳିପାରନି।