ସରକାରୀ କର୍ମଚାରୀଙ୍କୁ ଛୁଟି ମନା
1 min read![](https://www.dinalipi.in/wp-content/uploads/2024/06/loka-seva-bhawan.jpg)
ଭୁବନେଶ୍ୱର : ଆସନ୍ତାକାଲି ରାଜ୍ୟରେ ଗଠନ ହେବାକୁ ଯାଉଛି ବିଜେପି ର ନୂଆ ସରକାର | ଅପରାହ୍ନ ୪.୪୫ ରେ ଜନତା ମୈଦାନରେ ଶପଥ ନେବେ ନୂଆ ମୁଖ୍ୟମନ୍ତ୍ରୀ | ଏହା ପରେ ଗଠନ ହେବ ନୂଆ ମନ୍ତ୍ରୀମଣ୍ଡଳ | ଏଥିପାଇଁ ରାଜ୍ୟରେ ସମସ୍ତ ସରକାରୀ କର୍ମଚାରୀ ୩୦ ତାରିଖ ଯାଏଁ ନେଇ ପାରିବେ ନାହିଁ ଛୁଟି | ସରକାରୀ ଛୁଟି ଦିନରେ ମଧ୍ୟ ଉପସ୍ଥିତ ରହିବେ କର୍ମଚାରୀ | ଏପରିକି ହେଡକ୍ୱାର୍ଟର ଛାଡି ମଧ୍ୟ ଯାଇ ପାରିବେ ନାହିଁ ବୋଲି ନିର୍ଦେଶ ରହିଛି | କେବଳ ସ୍ୱାସ୍ଥ୍ୟଗତ କାରଣ ପାଇଁ ଛୁଟି ନେଇ ପାରିବେ | ସାଧାରଣ ପ୍ରଶାସନ ବିଭାଗ SCS ଙ୍କ ପକ୍ଷରୁ ଚିଠି ଜାରି ହୋଇଛି | ଏନେଇ ଅତିରିକ୍ତ ମୁଖ୍ୟ ଶାସନ ସଚିବ ସମସ୍ତ ବିଭାଗୀୟ ମୁଖ୍ୟ ଓ ଜିଲ୍ଲାପାଳଙ୍କୁ ଚିଠି ଲେଖି ଅବଗତ କରିଛନ୍ତି । ଶପଥଗ୍ରହଣ ପରେ ସରକାରୀସ୍ତରରେ ଅନେକ କାର୍ଯ୍ୟକ୍ରମ ରହିଛି । ତେଣୁ ଏହାକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ନିଆଯାଇଛି ।