ଏହିଦିନ କେରଳ ଛୁଇଁବମୌସୁମୀ

ନୂଆଦିଲ୍ଲୀ: ଭାରତ ପାଣିପାଗ ବିଭାଗ (ଆଇଏମ୍‌ଡି)ମୌସୁମୀକୁ ନେଇ ଏକ ବଡ଼ ସୂଚନା ଜାରି କରିଛି। ଆଇଏମ୍‌ଡି ଅନୁଯାୟୀ, ଆସନ୍ତା ୫ ଦିନ ମଧ୍ୟରେ ମୌସୁମୀ କେରଳରେ ପହଞ୍ଚିପାରେ।ପାଣିପାଗ ବିଜ୍ଞାନୀମାନେ କହିଛନ୍ତି ଯେ, ଏହି ସମୟ ମଧ୍ୟରେ ପାଣିପାଗ ଅନୁକୂଳ ରହିବ।
ଆନ୍ଧ୍ରପ୍ରଦେଶର ଗୁଣ୍ଟୁର ଜିଲାରେ ଅବସ୍ଥିତ ଭାରତ ପାଣିପାଗ ବିଭାଗ କେନ୍ଦ୍ର ଏହି ସୂଚନା ଦେଇଛି। ବୈଜ୍ଞାନିକମାନେ କହିଛନ୍ତି, ଦକ୍ଷିଣ-ପଶ୍ଚିମ ମୌସୁମୀ ଦକ୍ଷିଣ ଆରବ ସାଗରର କିଛି ଅଂଶ, ମାଳଦ୍ୱୀପ ଏବଂ କୋମରିନ ଅଞ୍ଚଳର ଅବଶିଷ୍ଟ ଅଂଶକୁ ଛୁଇଁପାରେ। ଏହି ସମୟ ମଧ୍ୟରେ ଲାକ୍ଷାଦ୍ୱୀପ ଅଞ୍ଚଳ, କେରଳର କିଛି ଅଂଶ, ଦକ୍ଷିଣ-ପଶ୍ଚିମ ଏବଂ କେନ୍ଦ୍ରୀୟ ବଙ୍ଗୋପସାଗର, ଉତ୍ତର-ପୂର୍ବ ବଙ୍ଗୋପସାଗର ଏବଂ ଉତ୍ତର-ପୂର୍ବ ରାଜ୍ୟଗୁଡ଼ିକର କିଛି ଅଂଶରେ ମୌସୁମୀ ପ୍ରବେଶ କରିବାର ସମ୍ଭାବନା ରହିଛି।